कविता - सलाम सैनिक हो .
कविता - सलाम सैनिक हो .
1 min
15.2K
सलाम सैनिक हो ,जय भारतमाता
वीर सैनिक तुम्ही भूषण देशाकरिता
तळहातावर प्राण घेउनी तुमचे हो
भारतमातेच्या रक्षणास सदा लढता ||
खडतर कठीण जीवावरचे असते
काम तुम्हा शूरवीर सैनिकांचे
लढता लढता मनात तुमच्या हो
ध्येय शत्रूला कंठस्नान घालण्याचे ||
डोळ्यात तेल घालून तुम्ही सारे
सीमेवर अष्टप्रहर पहारा हो देता
विपरीत प्रतिकूल ती स्थिती तरीही
देश -रक्षणाचाच विचार तुम्ही करता ||
महावीर हो तुमच्या साऱ्या शौर्यगाथा
आहे देशप्रेमाचीच उज्वल विजयगाथा
नव्या पिढीचे प्रेरक गौरव गीत आहे
देशभक्त तुम्ही - सैनिक हो सलाम आहे ||