तुझं अस्तित्व
तुझं अस्तित्व
तुझं अस्तित्व माझ्यासाठी
तु नसतानाही सोबत असतं
आठवणींचा कैफ तुझ्या
सदैव माझा आधार बनतं
जाण्याने वेदनेची रेषा
सोबत माझ्या सोडून गेलीस
अखेरचा हा श्वास सोडून
याच मांडीवर विसावलीस
तुझा भास सोबतीला माझ्या
दिवस रात्र असतो भवती
एकलेपणाची झालर मला
कधीच न जाणवती
संग माझा छंद माझा
वेडावतो अजूनी तुजला
सांग सखये येशील परतुनी
कधी भेटण्यास मजला?