भेगाळली भुई

भेगाळल्या या भुईची

तहान कशी भागावी ?

काळ्या मातीने तिची

कहाणी कशी सांगावी ?

रोजच आटते, सुकते

नाही पाण्याचा थेंब

या भेगाळल्या भुईवर

कसा उगवेल कोंब ?

हवालदिल दिसे रोज

आपला शेतकरी राजा

पावसाविना तडपे रोज

ही नगरीतली प्रजा

सूर्य रोज ओकतो आग

उन्हाच्या झोंबतात झळा

आता तरी ये, वरूणराजा

किती सोसाव्यात कळा ?

पावसा, तू बरस ना

काळी माती तृप्त कर

हिरवीगार होऊ दे धरा

तू आभाळाचे छत्र धर