क्षणाक्षणाने काळ धावतो
क्षणाक्षणाने काळ धावतो
माणूस असो वा असो घड्याळ
कोणालाही सुटका नाही
क्षणाक्षणाने काळ धावतो
कोणासाठी थांबत नाही
काळ-काम-वेगाचे तुम्ही
गणितही साधावे
बदलत्या जगाबरोबर
स्वतःच बदलावे
तरच तुमचा टिकाव येथे
अन्यथा जगणे थांबून जाई
क्षणाक्षणाने काळ धावतो
कोणासाठी थांबत नाही
बंद पडलेले घड्याळही येथे
कधीकधी कामासच येते
दिवसातून दोन वेळा
तरीही अचूक वेळ दाविते
घड्याळा पासून माणसाने
शिकून घ्यावे थोडे काही
क्षणाक्षणाने काळ धावतो
कोणासाठी थांबत नाही