बोलाचाच भात नी बोलाचीच कढी...
बोलाचाच भात नी बोलाचीच कढी...
बोलाचाच भात नी बोलाचीच कढी
खोटं- खोटं का होईना पोटभरलं म्हणा
नुसतं म्हणायला काय जात तुमच ?
लबाडाचं आमंत्रण जेवल्याशिवाय खरं नाही
भ्रष्टाचार , हुंडाबळी , अराजक मजल चोहीकडे
बेरोजगारीवाढलीय , महागाई आकाशाला भिडलीय
जगाचा पोशिंदा शेतकरी देशोधडीला लागला
नेते संधीसाधू , मुजोर झालेत नोकरशहा
मान्य आहे हो आम्हाला तुम्ही संत नाही ...
पण तुम्हाला कशाचीच कशी खंत नाही ?
केवळ घोषणांच पीक , अशवसनाचा पाऊस
प्रत्यक्षात कर्तव्य मात्र ऐशी की तैशी ...
थापाड्याच्या शेतात जणू बारा औत..
बघायला गेलं तर एकही नव्हतं ...
आश्वासनच वांझोट पीक कुठवर काढताय ?
विरोधकांचं नावं का उगाच खडे फोडताय ?
समजू नका तुम्ही जनता इतकी भोळी
योग्य वेळ आपवार जनता जागा दाखवून देतेच
त्यांना चांगलंच माहित असत ,
कसं आवराव कोणतं जनावर ?