बलिदान तुझे नाही फुका

पाहून या इतक्या शवपेटीका

चुकला आमच्या काळजाचा ठोका

हे चिरनिद्रा घेणाऱ्या सैनिका

बलिदान तुझे नाही फुका

नाही काढणार आम्ही कॅन्डल मार्च

नाही करणार मुक रुदन

तुझा बदला घेणे

हेच रे होईल तुला अभिवादन

आमच्या येथे पुलवामा झाले

झाले येथेच उरी

तोच घाव खोल खोल

बसला रे आमच्या ऊरी

उरात पेटलेली आग आता

डोळ्यात संतापाचे पाणी

नाही गाणार फुकाच

तुझ्या शौर्याची रे कहाणी

मग आम्ही देखील केला

बालाकोट

अभिमानाने उर भरला

भरले आनंदाने पोट

तुझ्या दहाव्याच्या दिवशी

दिधली तुझं मानवंदना

लक्ष लक्ष नमस्कार माझे

अशा या पुरुषोत्तमा