वसंत फुलला
वसंत फुलला
1 min
949
ऋतू वसंत फुलला
फुटे धुमारे आशेला
मोहराच्या सुगंधाने
आंबा रानी बहरला।
ऋतुराज वसंतात
नवी नव्हाळी पानांला
कोकीळेच्या कुंजनाने
प्रेमरंग जागा झाला।
वृक्ष पळस, पांगारा
ज्योत पेटली सावरी
लाल,केशरी गुलाबी
घोस बहावा आवरी।
नानाविध रूपांतुनी
रंग उधळी निसर्ग
भारद्वाज गातो गीत
सज्ज स्वागताला स्वर्ग।
मनी गंध चांदण्यांची
बरसात वसंतास
आनंदाच्या फुलोऱ्याने
कडुनिंबा मधुवास।
जीवनाचे हा प्रतिक
जादू चराचरावर
आसमंत गुंगवतो
मदनाचा ऐन भर।