हृदयाचे प्रेम
हृदयाचे प्रेम
तुझ्यासाठी मन माझे झाले आतुर
कधी भेटणार तू मला लवकर
तुझ्यासाठी मन माझे ग मोकळे
माझे प्रेम जगाच्या ग निराळे ।।1।।
नाही हाव तुझ्या देहाची
शुद्ध भावना जपली मी हृदयाची
कोण काय म्हणेल पर्वा नाही मला ग
मी फक्त भुकेला तुझ्या विश्वासाचा ग।।2।।
तू काळजाची माझी राधा ग
घे सामावून तुझ्या अंतःकरणात ग
ह्या भूतलावर आठवण राहवी जन्मोजन्माची
भावना जपली मी तुझ्या आठवणीची ।।3।।
आधार मिळाला मला आता जगण्याचा
मान मिळाला तुझ्यामुळे ह्या जगाचा
वनवास संपला ग ह्या जीवनाचा
आनंद मिळाला ग तुझ्या स्पर्शाचा ।।4।।
नको तुझे मला काही ग
आठवणीची ज्योत राहू दे मनात ग
पुढच्या जन्मी तूच मला मिळावी
हीच अखेरची इच्छा पूर्ण व्हावी।।5।।