कन्यारत्न

माझी लाडाची तान्हुली

आज जन्मास आली

लई दिवसांची इच्छा पूर्ण हो केली

दीप वंशाचा ती आज झाली

साऱ्या घरात आनंद घेऊन आली

आज खरी घराची शोभा तिने वाढविली

तिच्या पायातच धन तेजस्वी पावली

नाही कुणाची ती भार याची चाहुल लागली

जीव साऱ्यांचा ती क्षणातच झाली

करा रे जन्म सोहळा सर्व नात्यांची लाडली

नको तिची अडचण, श्वास सर्वांची झाली

इच्छा तुमच्यासाठी ती घेऊन आली

करा ,करा हो स्वीकार, दारी श्रीमंती आली

साऱ्या सुखाची माऊली धन्य, धन्य ती झाली

करा संगोपन हृदयातून ती सर्वांची सावली

साता जन्माची हो नाती तिनेच जोडली

सर्व समाधानाचे आगर, तिच्या मायेत दिसली

द्या रे, द्यारे शिक्षण, आशेची गुरुकिल्ली

साऱ्या इच्छा पूर्ण करा, आदर्श महिला आपली

सर्व सुखात जगवा, उणीव नको आपल्या भाळी

तेच खरे तिचे जीवन,सर्व जनांची लाडली

येईल मागणी आप्तांची, काळजी जीवाला लागली

माया तुमच्यावर निस्वार्थ तिची कायम राहिली

कन्यादानात तुमच्या, ती अश्रुनी नाहली

बाप, बाप म्हणुनी फिरून मागे पाही लाडली

बापाच्या अश्रुत ती दैदीप्यमान भासली.