भ्रूणहत्या

आई तुझेच रूप मी  

फसू नको ना चक्रात ?

मीच ते प्रेम इवले 

मारू नको ना गर्भात !

असो भ्रूण कोणतेही  

सोडा विचार लोकांचा,

दोन्ही सारखेच बाबा 

प्रश्न का पेढा ,बर्फीचा ?

आजी तूही आईच ना ?

मग का खार कन्येचा,

येऊ देत ग जन्माला

वंश वाढे मानवाचा !

भ्रूणहत्या पापच ते

जर मुलगाच हवा ,

कन्या आहे कळताच 

निरर्थक तो रूसवा !

सगळ्यांना समजावा

आई,बाबा तुम्ही छान,

नको क्रूर भ्रूणहत्या 

कन्या वाढे,व्हा महान !

एक सांगणे मोलाचे 

भ्रूणहत्या का करावी ?

सर्वा करून शिक्षित

अशी वेळ हो रोखावी !