Library
मौनाची भाषा
मौनाची भाषा
1 min
14K
मौनाची भाषा तेंव्हाच कळते
सूर मनीचे जुळावयास हवे ते ....
एक दुःखी दुजा तो सहज टिपतो
अन पाहताक्षणी तो हळहळतो ...
मौनाची ताकद तेंव्हाच कळते
समजून घेणारं हळवं मन असावं लागत ...
मौन म्हणजे परीस,न बोलताही भागतं
हेतू होतो साध्य कधी... कधी होतो विफल
मौन म्हणजे तिरस्कार क्षणिक, राग अनावर
मौन म्हणजे अबोला , नंतरचा वाद विवाद टाळणारा...
समोरच्याला छळणारा ठरतो कधी आनंद देणारा
मौन कधी हटवादी , असहकार कधी सत्याग्रह
मौन हे प्रभावी अस्त्र जरी , नेहमीच कामी येत नाही ...
मौनानेच उद्भवतात अनेक प्रश्न कधी- कधी
मौन वापरावे मिठासारखे आवश्यकतेनुसार
तेव्हांच होईल सिद्ध गड्यानो ! मौन म्हणजे परीस
