माझी नोकरी "

माझी नोकरी नोकरी , आहे चोवीस तासांची

काय करते दिवसभर , मी आहे एक गृहिणी

माझा परिवार हसरे गोकुळ , अंधारी पेटती मशाल

देते संस्कारांचं दान ,मी तिथली सौभाग्यकांक्षिणी //१//

लक्ष संधी होत्या उभ्या , माझ्या या दारापुढे

पण रोजच मला आला , आडवा गं उंबरा

जुन्या चालीरीती अन प्रथांनी, घाट होता घातला

निराशेचा गुंडाळून गाशा , हलका फुलका ठेवला उंबरा //२//

कधी सांडले ते दुध ,

कधी करपली भाजी

कधी अडकला पाय

कधी दुरावली नाती //३//

मशागत करता थोडी

फुले हास्याची लागली

मोद भरला जीवनी

बाग सुसंस्कारे बहरली //४//

अस्सा फुलला संसार

त्याले चाफ्याचा परिमळ

माझी बाग हिरवीगार

माळी देवा तू सांभाळ //५//