चिऊताई घरटं तुझं सुंदर बाई
चिऊताई घरटं तुझं सुंदर बाई
चिऊताई चिऊताई घरटं तुझं सुंदर बाई
अंगणी येतेस घाई -घाई उडत भुर्र भुर्र
अलगद दाणा टिपून क्षणात होतेस फुर्रर्र ...
इवल्याशा चोचीत पिलासाठीहि घेऊन जाते
चिऊताई - चिऊताई बघून तुला बाळ माझं हरकत
अंगणी माझ्या खिदळत , गातेस का ग तू अंगाई ?
इवलासा जीव तुझा तरी चिवचिवाट असतो भारी
तू येतेस तेव्हा घरंदारं सारं आनंदून जात .
चिऊताई - चिऊताई घरटं तुझं दूर - दूर
तू अंगणी येतेस ना अंगण माझं फुलून येत
नको जाऊस ग तू तिकडे तुझं घरटं इथंच बांध
होईल दोस्ती त्यांची गडे ! माझं बाळ तुझी पिलं
चिऊताई - चिऊताई आर्जव माझी ऐक ना गडे !
कशाला जातेस आम्हाला सोडून तुझी पिलं इथंच आण
फार नको ग विचार करू , हे हि घर तुझंच म्हण
आपुली मैत्री झाली तशी ,खेळेल माझं बाळ ,तुझी पिलं