टप टप बरसत पाऊस आला !!
टप टप बरसत पाऊस आला !!
आला आला सूरू जाहला
मना मनांमध्ये आसुसलेला
ढगा ढगांतूनही साकळलेला
दाट दाट या मेघांमधूनी
टप टप बरसत पाऊस आला !
गार गारवा अपसूक आणूनी
चरा चरांला ऊल्हसित करूनी
लख लख वीजांची वर्दी देऊनी
कड कडाट चौघडा बडवीत आला
टप टप बरसत पाऊस आला !
नदी नद्याही भरू लागले
डोंगरा डोंगरांतून झरे प्रसवले
धब धब्यांतूनही दूध फेसाळले
पाणीच पाणी बहरत आला
टप टप बरसत पाऊस आला !
हिरवी हिरवी सृष्टी झाली
फुला फुलांनी बागही सजली
जागो जागी शेते सळसळली
थेंबा थेंबांतून रोमहर्षत आला
टप टप बरसत पाऊस आला !
किमान आता तरी मंथन व्हावे
मुल्य अमुल्य पाण्याचे कळावे
पाट पाण्याचे बंधारे बांधावे
तळ्या तळ्यांतून साठत आला
टप टप बरसत पाऊस आला !