दिवस असे हे श्रावणाचे--------
दिवस असे हे श्रावणाचे--------
1 min
357
दिवस असे हे श्रावणाचे, श्रावणमासात फुलायचे || धृ ||
सरीत भिजत जाणे, ओठांत आलेले गाणे
गाण्यात चिंब भिजायचे , श्रावणमासात फुलायचे ||१||
ऊन-पावसाचा खेळ हा चाले , लपाछपीचा डाव हा खुले
आकाशी इंद्रधनुष्य पहायचे , श्रावणमासात फुलायचे ||२||
करावी सणांची गणती, साजरी करावी संगती
आनंदाने त्यात नहायचे, श्रावणमासात फुलायचे ||३||
नवचैतन्याचा मोहर आला, जीवनी असा बहरला
बेधुंद होऊन नाचायचे , श्रावणमासात फुलायचे ||४||