तुटलेली पतंग
तुटलेली पतंग
1 min
251
गवसणी आकाशास
भव्य भरारीची आशा
दोर पतंगा रोखते
वाऱ्यावर भरवसा।
ध्येय जरी असे उच्च
जमिनीशी ठेव नाते
उरी जखम बोचरी
वादळात खाता गोते।
निळे तलम आभाळ
स्वप्न आयुष्यच रम्य
पतंगाची झेप जशी
इच्छा माणसा अदम्य।
गर्व यश,साफल्याचा
जसा भरारे पतंग
मंदिराच्या कळसाला
घंटा नादाचा तरंग।
साथ पतंग मांजाची
ग्वाही शाश्वत यशाची
दोर तुटता मधेच
दीन व्यथा पतंगाची।
तुटलेली पतंग ही
भक्तीविना जगणे रे
तुझ्या पतंगाची दोरी
भगवंता हाती दे रे।