प्रश्न आहे

जातीचा ना धर्माचा

सत्तेचा ना पैशांचा

असण्याचा ना नसण्याचा

प्रश्न आहे समजून घेण्याचा

देण्याचा ना घेण्याचा

पोटाचा ना राहण्याचा

सर्वकाही मुबलक इथे

प्रश्न आहे वितरणाचा

पडण्याचा ना पाडण्याचा

रडण्याचा ना रडवण्याचा

घडण्याचा नि बिघडण्याचा

प्रश्न आहे संस्काराचा

जगण्याचा ना भोगण्याचा

पापाचा ना पुण्याचा

स्वर्गाचा चा नरकाचा

प्रश्न आहे माणुसकी हरवल्याचा

महागाईत भागण्याची ना जगण्याची

रोजच मन मारून जगू कसंही

प्रश्न , चिंता आहे पुढच्या

पिढीच्या अंधःकारमय भविष्याची ...