*ससुला अन कासव.....*
*ससुला अन कासव.....*
ससुला चालला फिरायला
सोबत घेतले कासवाला....
चढू लागले डोंगरावर
कासव घसरे उतरावर.....
ससूला चढे हो भरभर
कासव प्रयत्न करी लवकर....
ससूला कासवाची पाही वाट
कासवाचा काही निराळाच थाट..
ससूला वाट पाहून थकला
जोरात धावून तोच दमला....
मधेच ससूला थांबला
झाडाच्या सावलीत झोपला..
कासव आले हळूहळू
पाही ससूला झोपाळू....
कासवाने वेग वाढवला
डोंगरावर तो पोहोचला....,
ससूला जागा झाला
कासवाला पाहू लागला....
भरभर उड्या मारत गेला
डोंगर माथा त्याने गाठला....
समोर पाहिले कासवाला
दोष दिला स्वतःच्या झोपाळू पणाला...