माझी कहाणी ..................
माझी कहाणी ..................
पाणावल्या डोळ्यांनी
सांगते कहाणी
सदाही लुटली जाते
कसली मी राणी
आई बहीण लेक बायको
अशी माझी नाती
छळ करून नेहमी माझी
केली जाते माती
सासरी मी पिळल्या जाते
माहेरी बंधन मोठी
करती माझा देखाव्याचा
खोटाच वंदन किती
लाज लज्जा मला सारी
लागते इथे पाळावी
मनातील गोंधळ माझ्या
कुणाला तरी कळावी
किती सांगू वेदना माझ्या
ऐकणारं कुणी नाही
इच्छा आकांशा माझ्या
जाणणारं कुणी नाही