संकल्प !
संकल्प !
साधुया का नवा बदल
करुया का थोडे परिवर्तन
करुया का पैशाचे जगातून उच्चाटन
कधी काळी होता ओलावा माणुसकीचा
मानत होतो देवा परी अतिथीला
काय कसं बरं हाय का ?
या बसा गुळ पाणी घ्या
अन् आता काय रं बा हिकड कसा
काय काम काढलं ? तुझं की माझं ?
करुया का पैशाचे जगातून उच्चाटन
देवासाठी होता गाठीचा पैसा
तोच होऊन बसला देव आजचा
त्याच्या पुढं झुकती भले थोरले
कालचा सोम्या रात्रीत राव !
त्या मागे धावती छटूस्तोवर दम
हाती लागला तर उठतो कोण ?
करुया का पैशाचे जगातून उच्चाटन
जर कधी असं झालं तर !
होतील का सारे नि:श्चिंत ?
नैसर्गिक जगण्यातला साधेल का आनंद ?
आपणच बनविला आपल्याच करीता
हरवून बसलो स्वत:स ही त्याच्या करीता
करुया का पैशाचे जगातून उच्चाटन
समजेना मनास या, प्रश्न अनुत्तरीत हा !
पैसा माणसासाठी का,...…...
माणूस पैशासाठी, माणूस पैशासाठी ?
साधुया का नवा बदल
करुया का थोडे परिवर्तन
करुया का पैशाचे जगातून उच्चाटन...