हे किती खास आहे
हे किती खास आहे
पुढे पुढे करण्याचा सोस आहे
काही न करता सारे जमावे
नेहमीच असा जोश आहे
हे किती खास आहे ।।
खुशमस्करे घोंगावती जिथे
मिसळूनी बेमालूम त्यात जावे
कुणास कधी ना ते जाणवावे
हे किती खास आहे ।।
तत्वाशी असावी बांधिलकी?
खुळेपणाचे लक्षण की आहे
काही न करता सारं ओरपावे
हे किती खास आहे ।।
मेहनत , कष्ट ,पराकाष्ठा
करण्यास कुणा हो वेळ आहे
जमवता येतो खेळ सारा
हे किती खास आहे ।।