आयुष्यातील भीतीचा प्रवास

वाट वळणाची खाचखळग्यांची

होती ती शेतातल्या पांदीमधली

जात होते मी माझ्याच धुंदीत

अनवाणी पायी काॅलेजमधी //१//

ओढ मला होती शिक्षणाची

विचार सतत त्याच्यासाठी

पहिलीच मुलगी मी गावातली

सिद्ध झाली होती काॅलेजसाठी //२//

नव्हत्या कोणत्याच सोयीसुविधा

चिखल माती तुडवण्याचा रस्ता

तर त्या वाटेवरून दोन्ही पायातून

सरपटत गेला मोठ्ठा नागोबा //३//

लक्षात आल्यावर बसली पाचावर

गोठले मी जागच्या जागीच

अन आईचे शब्द आठवताच

केला नमस्कार भानावर येताच //४//

तसे तर नवल नव्हते सर्पभेटीचे

शेतांमध्ये अन येता जाता भेटला होता बाप्पा

प्रत्येकाला देवाने पाठवलंय श्वास मोजून

अस्तित्वात कोठे ना कोठे आहे देवबाप्पा //५//