आमची मॅडम

आमची मॅडम बाजार करते

स्वस्त महाग घेतच असते

संग मात्र मला नेते

दोन पिशव्या हाती देते ---- || धृ ||

पहिले करते वेणी फणी

मगं लावते तोंडाला पाणी

गजरा असतो वेणीला

साद घालते जनीला

बडबड सारखी चालुच असते ---|| १ ||

नंतर करते नट्टा फट्टा

पावडर लावते बटा बटा

ओठ असते लाल लाल

हाती तिच्या असे रूमाल

चप्पल बाकी भारीच असते --- || २ ||

साडी पैठणी नसायला

गाडी हवी बसायला

अधून मधून ओरडते

पैशासाठी झगडते

नेहमीच पैसा माघत असते ---- ||३ ||

दोन किलो घेते गांजर

नोट आख्खी देते शंभर

मिरची घेते लाल लाल

आमचे बाकी भलतेच हाल

फिरुन फिरुन पाय थकते ---- || ४ ||

मला म्हणते येथे बसा

खाऊन येते मसाला डोसा

मगं म्हणते घेऊन या दळण

सांगा ईला लाऊ कसं वळण

आमची मॅडम बाजार करते ----- || ५ ||