माझे पहिले प्रेम

अवचित घडले काही

माझा मी न राहिलो

ती काळजात भिडली

मी ही तिचा जाहलो..... ||१||

येता ती माझ्या समीप

पूर्ण गुंतलो तिच्यात

थोडेच उरले अंतर

तिच्यात नि माझ्यात..... ||२||

बोलली असे काही

उडूनी गेले होश

सहवास तिचा घडता

जीवनी झालो मदहोश..... ||३||

अंगी ती बिलगता

सुचती ना मला अक्षरे

कोरली समुद्री वाळूवर

आमच्या प्रेमाची प्रेमाक्षरे..... ||४||

येता मिलनाची घडी

मनात वाढे हूरहूर

एकांताच्या या क्षणांचा

जीवनी आनंद भरपूर..... ||५||

तीच माझे पहिले प्रेम

तीच ह्रदयाचा हुंकार

ओबडधोबड जीवनाला

तिच्यामुळे मिळे आकार..... ||६||

बीज आमच्या प्रेमाचा

तिच्या कुशीतून अंकुरला

सोबतीत तिच्या माझा

सुखी संसार फुलला..... ||७||