ऊन-पाऊस
ऊन-पाऊस
ऊन-पावसाचा आता, कोण भरवसा देई।
वाऱ्या-वादळात येते सर पावसाची बाई||
कधी होई वाऱ्या संग, ढोल ताशांचा गजर|
वीज कडाडून करी, मेघ अंबरी जागर||
वादळात मोडून गेली, सारी झाड-झुड घर|
नाही पाखरा निवारा, नाही माणसाला घर||
कस आभाळ फाटलं, तस मन हि विटल|
भर दुपारी उन्हात, येण पावसाच झाल||
वाऱ्या-पावसात लई, गारांनी झोडल|
गाई-गुरा वासरांना, कोणी खटका विकल||
काय त्याची लीला सारा नियतीचा खेळ|
ज्यान दिल त्यांनी नेल, अशी आली येळ||
काय होत माझ्या पाशी, काय कुठून आणला|
अन अवकाळी पावसाच, आता म्हणू या चांगल||