तशी तु माझी...

तशी तू माझी

कोणीच लागत नाही

तुझ्या आठवणींशिवाय

माझं काही भागत नाही 

तु नसतेस मजजवळ

पाऊलखुणा तुझ्या अस्तित्वाच्या 

मात्र पिच्छा सोडत नाही

विसरू म्हणावं तसंही घडत नाही 

दुःख तुझं डोंगराएवढं 

पाहुन मन हेलावतं 

का? कुणास ठाऊक?

तुज भेटावंस वाटतं 

मनी उठते काहूर ऊर फुटेस्तोवर

दुःख मनात दाटते

जिवघेण्या आठवणींनी

मन माझं सैर भैर होतं  

नयनात दाटतो पाऊस

व्याकूळ वसुंधरेपरी

आर्त हाक तुझी 

पदोपदी कानी येते