लेक
लेक
1 min
431
काय असते मुलगी
हृदय असतं बापाचं
खळखळ वाहणारं
पाणी असतं झऱ्याचं
लेक असते काळीज
एका हळव्या बापाचं
देते सुगंध घराला
झाड जसं प्राजक्ताचं
लेक उंबरा घराचा
श्वास आईचा असते
नातं मायलेकिचं हे
अवचित रे फुलते
लेक असते लाखात
परी शोभून दिसते
तिच्या रूपात पाऊल
देवी लक्ष्मीचे लाभते
लेक असते आधार
घरा वयस्क काठीचा
आजी आजोबाही दंग
लाड करण्या नातीचा
लेक असते रे खुशी
वाट सारी समृद्धीची
होई पूर्णची मनिषा
सुख अन् प्रगतीची