शतकोटी प्रणाम !
शतकोटी प्रणाम !
दोस्ता , तुला आठवण येत नाही का रे...
आनंदानं , हर्षोउल्हासन घर उजळन
कुटुंबासोबत दिवाळी साजरी करणं
जीवन मरणाची रक्ताची होळी खेळताना ....
दोस्ता , तुला आठवण येत नाही का रे...
वाट पाहणाऱ्या बायकोची ,चिमुकल्या सानुलीची
थकलेल्या आईची , गोठ्यात हंबरणाऱ्या गायीची
कष्टणा-या बापाची अन गावाकडच्या मित्रांची ?
दोस्ता , कुणी कदर करील का रे ...
तुझ्या रात्रंदिनी ऊन, वारा पावसात सीमेवर लढण्याची
दुष्मनाशी निकराने झुंजताना , शाहिद होण्याची ...
देशासाठी रक्त सांडणे ,तुझ्या त्याग , समर्पणाची
दोस्ता , तुलाही वाटत असेल ना रे...
दमून भागून घरी यावं , बायकोनं स्मितहास्यानं स्वागत करावं
चिमुरडीने बोबडे बोलत पपा म्हणत आलिंगन द्यावं
दमलास कारे लेकरा... आईन काळजीनं पुन्हा म्हणावं
दोस्ता , काहीही म्हण तू खरंच ग्रेटच रे...
मातृभूमीच्या रक्षणार्थ हसत हसत मरण स्वीकारतो
तुझ्या रोमारोमातून फक्त जय हिंदचाच नारा ऐकू येतो
तुझ्या कर्तुत्वाला , देशभक्तीला प्रणाम ! शतकोटी प्रणाम !