तीळ गुळ
तीळ गुळ
1 min
476
लहानसा तीळ एक
सोबतीला मित्र कैक
चालू लागले थाटात
आता पोचले घाटात
चालून सारे थकले
विसाव्यासाठी बसले
त्यांना वाजली थंडी
शोधू लागले ते बंडी
सारे पाहिले गुळाने
बोलला जरा वेळाने
सारेजण मैत्री करू
सोबतीचा हात धरु
गुळ सांगतो ऐटीने
तीळ आनंदले भेटीने
सर्वांची झाली दोस्ती
खुप केली दंगामस्ती
असे झाले एकरूप
बदलले त्यांचे रूप
गोड लाडू झाला छान
संक्रांतीला मिळे मान
लाडू हाच तुम्हाला दिला
'तीळ गुळ घ्या गोड बोला'