तेही तुला सांगायलाच हवं ?
तेही तुला सांगायलाच हवं ?
तेही तुला सांगायलाच हवं ?
मनातलं वादळ, आठवणींचं वारूळ
जीवाची घालमेल, तू नसण्याची सल
तुझ्या माझ्या प्रेमाची अयशस्वी वाटचाल
तेही तुला सांगायलाच हवं ?
तुझा तो हवाहवासा स्पर्श, मनीचा हर्ष
तू येण्याची अनामिक चाहुल, मनीची हुरहुर
जीवघेणा एकांत आणि आणखीही बरंच काही...
तेही तुला सांगायलाच हवं ?
आपलं प्रेम किती ? कसं शब्दातीत
भावनांचं आक्रंदन, हृदयाचं स्पंदन
अस्ताव्यस्त मन ... रात्र रात्र जागणं झालेलं...
तेही तुला सांगायलाच हवं ?
भूतकाळ हरवलेलं, मनात साठवलेलं
बरंच काही नकोसं अनाहूत, अमंगल
प्रेम तुझं माझं वेगळेपण... असलेलं, नसलेलं...