ही वाट दूर जाते ...

ही वाट दूर जाते

विसरू तुला पाहते

तर कधी तुज स्मरते

सांग ना रे भेटशील का पुन्हा ?

आठवते ते भावविभोर डोळे

निरोपाचे ते परमोच्च सोहळे

क्षण ते केंव्हाच ओघळले

सांग ना रे आठवशील का पुन्हा ?

शोधते तुज पावलांचे ठसे

जगते तुजशिवाय कसेबसे

उदास मन होता वेडेपिसे

सांग ना रे जगावे तरी कसे ?

आस तुझी मनी नजर भिरभिरते

विरह नयनी मज पाझरतो

सानिध्यातील क्षण ते हळवे

सांग ना रे विसरू तरी कसे ?

गेलास तू सोडूनि अचानक

अर्ध्यावरती डाव मोडुनी

येशील का रे तू परतुनी पुन्हा ?

की होशील द्वारकाधीश राणा