निसर्ग
निसर्ग
।। निसर्ग ।।
उन्हाच्या त्या झळा / दिसे काळ्यारानी
माय अनवाणी / हिंडतसे ।।१।।
मिरगाची छाया / पडे रानोमाळ
नको हा दुष्काळ / आता तरी ।।२।।
इंद्रधनु नभी / बांधले तोरण
शेतात पेरण / चालतसे ।।३।।
हिरव्या झाडीत / निसर्ग फुलला
पाहून खुलला / जीव माझा ।।४।।
श्रावणाच्या सरी / पडे थेंब थेंब
भिजवतो कोंब / काळ्या रानी ।।५।।
निसर्ग सुंदर / शोभतो डोंगरी
बापाची उभारी / मनामधी ।।६।।
डोंगर झाडीत / अंधार पडला
निसर्ग झाकला / काळोखाने।।७।।
निसर्ग फुलवी / बळीचा तो मळा
रानात कोकीळा / गीत गाई ।।८।।
निळे निळे मेघ / दाटले आकाशी
मनामध्ये खुशी / होत असे ।।९।।
मोर नाचे रानी / करुन पिसारा
निसर्ग हा सारा / फुलवीत ।।१०।।