वटपौर्णिमा

सावित्रीने वाचविले पतीचे प्राण

वटपौर्णिमेचे महत्व सांगे पुराण

कित्येक सालापासून चाले ही प्रथा

प्रत्येक पिढी ऐकते सावित्रीकथा

वडपुजनाची घरोघरी तयारी

 नटते सजते मग हिंदू नारी

पुरणपोळीचा नैवेद्य भारी

वडपुजनाला भगिनीची स्वारी

श्रद्धा म्हणा वा अंधश्रद्धा कोणी

सौभाग्य रक्षण व्हावं हा भाव मनी

शिक्षित असो वा अशिक्षित जरी

साऱ्याच भगिनी वडाला फेरी मारी

सारी ही अंधश्रद्धा वाटली तरी

हिंदू सणांमागे वैज्ञानिक पार्श्वभुमी खरी

जाणुया आपण सणांमागचे कारण

सणांना नावे ठेवू नये विनाकारण

पुर्वजानीही जाणले निसर्गाचे महत्व

झाडे वेली पशु पक्ष्यांत पाहिले देवत्व

जुन्या चालीरीतीमुळं संस्कृती टिकलं

तंत्रज्ञान युगात जाणू काळाच पाऊलं

जुन्याला देवू नव्याची जोड

थांबवू आता वृक्षांची तोड

सणावारांना नवी झाडे लावुया

संस्कृतीबरोबर देशविकास साधुया.