कविता -सुख या परते नाही ...!

 

ओढीने येतो दरवेळी भेटण्यासाठी तुला

नि भेटतेस सस्मित तू, सुख यापरते नाही||

नजरेच्या नजर खेळातले आपले हे सारे

शब्दाविना सांगता येणे, सुख यापरते नाही||

विवंचना आधीच त्या, भर त्यात काळज्यांची

आधार-स्पर्श एकमेका, सुख यापरते नाही||

रस्ते चालू सोबतीने आता, एकट्याने ते नाही

दो सावल्या भासू दे एक, सुख यापरते नाही||

घरात दोघांच्या आपुल्या, स्वर संवाद साधण्या

यावीत माणसे आपुली, सुख यापरते नाही||