गझल

भास होई सावल्यांचा मेघवारा येत नाही

मातगंधाला अवेळी तो भरारा येत नाही ||

राम जाणे काळ कसला ढोंग नकली याचकांचा

रडतया जनता इथे पण तो उतारा येत नाही||

कोण कैसा ओळखावा आत काही बाह्य काही

आव आणे खास भारी धावणारा येत नाही||

विकतो बाजार भावा आपल्या रे मायबहिनी

रूपयाचे मोल भारी नेत्रधारा येत नाही ||

ध्येय ठेवा सोडतोया जिद्दही जो मोडतोया

कर्तव्य वेशी टांगतो हा ऐकणारा येत नाही ||

कोरड्या त्या सागराला ओल काही येत नाही

कोसणाऱ्या पावसा काठी किनारा येत नाही ||

भूक होती चूल होती भाकरी बनवायला पण

लाकडे ओली अग्नीला चेतणारा येत नाही ||