आपली माणसं

देवाची पूजा करणारे हात

माणसांची सेवा करत नाहीत

जेवढा वेळ देवपूजेला देतात

तेवढा वेळ घरात देत नाहीत

पहिल्यांदा घरातल्या सर्वांना

सुखी आनंदी ठेवायला शिकावं

वेळ भेटलाच कदाचित तर

देवाच्या भक्तीमार्गाकडे वळावं

संसार करण्याचा सार कळेना

पण पोथी पुराणात वेळ घालती

देवापुढे वाती लावण्यात व्यस्त

घरात माणसं आजारी पाडती

साधू संत महात्मे महापुरुष

सारे एकच सांगत असतात

मानवाच्या सेवेत देव आहे

देव भेटत नाही कुठे मंदिरात

देवाला गरमागरम नेवैद्य

घरातल्याला शिळे तुकडे

देव खात पण नाही कधी 

पण लक्ष सारे त्या देवाकडे

सारे देव पाण्यात ठेवून 

देत नाही प्यायला पाणी

काही अर्थ उरतो का गाऊन

देवाची आरती भक्तीची गाणी

आपल्याची काळजी घेताना

देव सदैव सोबतच असतो

दुःखाच्या प्रसंगात नक्की 

आपल्या पाठीमागेच असतो

अजून ही सांगणे एकच आहे

नको वेळ वाया घालू पुजापाठात

वयोवृद्ध आई वडिलांची सेवा हीच

पंढरपूर काशी आहे तुझ्या घरात

आई बाबाची मनोभावे सेवा 

हाच आपला खरा धर्म आहे

निःस्वार्थ भावनेने केलेले काम

हेच आपले खरेखुरे कर्म आहे

तुझ्या भटक्या मनाला आवर

मानवाच्या सेवेत तुझे मन गुंतव

आपली माणसं जपून ठेवली की

यातच खरे पुण्याचे सुख मिळव