प्रेम ( अष्टाक्षरी )
प्रेम ( अष्टाक्षरी )
मुका झाला हा संवाद
चिंता नाही ती वाटत
प्रेम आता नात्यातले
कसे चालले आटत ?॥१॥
सदा लोटे संकटात
स्वार्थ मैत्रीची संगत
प्रेम दावी भावापरी
गळा केसाने कापत ॥२॥
वाद विवाद शेजारी
चूक सदा शोधतात
प्रेम शेजार धर्माचे
धारेवर धरतात ॥३॥
तिटकारा इतरांचा
धर्म कोठे जाणतात ?
प्रेम राजकारण्याचे
लढवती आपसात ॥४॥
घेता ती जबाबदारी
स्वैर सारे वागतात
प्रेम करा स्वतःवर
क्षण कोठे थांबतात ?