श्रेय
श्रेय
1 min
283
ही रंगात येते तेंव्हा हिला
अर्धा कोरा कागद ही चालतो
पण रूसल्या वर मात्र
नवा कोरा सुगंधी ही नको
नशीबवान मी
की अशी प्रेयसी लाभली
ती भरभरून देते
मागत काहीच नाही
तीला बोलवाव, आठवाव
अस काहीच नाही
हवं तेंव्हा, हव तस येते
हलकेच पाठीशी, गळ्याशी
ह्रदयी बिलगते
हात पुढे करायचीही
गरज नाही
तीला कसलेच बंधन नाही
मला लपवायची गरज नाही
तिच्या मुळेच तर ओळख माझी
पसरते ख्याती
ती रोज ऐकवते, दाखवते
एक कहाणी नवी, अनोखी
तीची तीच प्रकटते
लिहीतो त्या शब्दातूनी
मी, माझ अस काहीच नाही
तीचेच सारे, श्रेय ही