भ्रष्टाचार...

स्वतःचे काम होण्यासाठी

टेबलाखालून दिली जाते लाच

भ्रष्टाचाराचा गुन्हा होतो तेव्हा

विश्वासार्हतेची तडकते काच... [१]

हे भ्रष्टाचाराचे बाळकडू

लहानपणापासूनच पाजले जाते

'शांत बसलास तर चाॅकलेट देईन'

अशामुळेच तर घोडे पेंड खाते... [२]

सरकार बदलले तरी

भ्रष्टाचार थांबत नाही

भ्रष्टाचाऱ्यांना व्यवस्थेशी

देणे-घेणे नसते काही... [३]

भ्रष्टाचाराविरूद्ध सारे कायदे

भारतात व्हावे आता कडक

जो करेल भ्रष्टाचार या देशात

त्याच्यावर कारवाई व्हावी तडक... [४]

आपल्या भारतातला सारा

थांबवू आपण भ्रष्टाचार

या लोकशाही गणराज्यात

चला आणू पुन्हा शिष्टाचार... [५]