मानसून
मानसून
1 min
20.5K
जाळाविणा जळु लागे
साऱ्या जगातलं रानं
कुठं बसला दडून
ढगा आड मानसून... ||१ ||
झालं गाव भयभीत
नको रुसू आम्हावरी
धरणी माता असूसली
तुझ्या झेलण्यास सरी---- || २ ||
तुहया अमृत थेंबानं
रान होई हिरवं गार
आम्हा दीन दुबळयांना
मग मिळते भाकरं---!!३!!
पाण्याविणा शेतकरी
गेला कसा बावरून
काळया भुईच्या कुशीत
. बसे बियानं पेरूनं-----!!४!!
येशीलच तू म्हणून
मनामध्ये आस आहे
नाही आला तर आता
गळयामध्ये फास आहे----!!५!!