Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Smita Murali

Inspirational

4  

Smita Murali

Inspirational

तुला पाहिले मी

तुला पाहिले मी

1 min
508


तुला पाहिले मी


तुला पाहिले मी आई

रातदिन कष्टताना

पांढऱ्या कपाळाने

संसारगाडा ओढताना


विधवा म्हणून अवहेलना

हसत पचविणारी नारी

लेकरांच्या भविष्याचीच

स्वप्न जपलीस उरी


भेकड वासनांध नजरा

तुझ्याभोवती घालायच्या पिंगा

संघर्षाने भेदक बनलेली नजर

दाखवायची त्यांना ठेंगा


आई कसं काय जमलं गं

आयुष्याचं विष पचवणं

फाटकी ठिगळ जोडताना

चारित्र्य जपून जगणं


कधी कमकुवत मनानी

ढासळली नाहीस जीवनी

लेकरांना पोरकं करण्याची

निती नव्हती गं तुझ्यामनी


आई तुला पाहिलं मी

दुर्गा कालिकेच्या रुपात

तुझ्या पुण्याईनंचं गं माई

आम्ही सुखानं नांदतोय जीवनात!


स्मिता मुराळी, सोलापूर


Rate this content
Log in