पावसाळी मेघ
पावसाळी मेघ
लेकराचे आगमन
झालो मी रे आता बाप
झाला धन्य माझा जीव
सुख किती हे अमाप
लेकराला वाढविता
माझा बाप आठवला
कुटुंबाच्या भल्यासाठी
किती कष्टला कष्टला
घरी होती दारीद्रयता
कष्ट होते त्याच्या पाठी
रात्रदिन तो राबला
बोल ममतेचे ओठी
आज पैशासाठी मी ही
सदा व्यस्त हा कामात
लेकरांच्या कल्याणाच्या
फिरे नित्य मी शोधात
संसाराचा गाडा चाले
बने सारथी हा बाप
सदा करी धडपड
नसे कष्टाला या माप
जगतास हे सांगणे
बाप कुटुंबाचा कणा
घरा येई घरपण
त्याचे महत्व हे जाणा