ज्यांनी दिल्या होत्या यातना
ज्यांनी दिल्या होत्या यातना
कधी काळी होती ती
एक सुंदर ललना
मुसमुसलेल्या तारूण्याची
एक नवं यौवना
सोनचाफ्याची कांती तिची
गाल गुलाबी गुलाबी
मदहोश डोळे तिचे
जणू शराबी शराबी
सुंदर स्त्री ती झाली
एवढाच तिचा गुन्हा
कधीकाळी होती ती
एक सुंदर ललना
दोन नराधमांनी केली
तिची विटंबना
इच्छा-आकांक्षांना दिलि मुठ माती
संतापाने आणि शरमेने
तिने संपविले जीवना
मेली तरी ती अतृप्त होती
नव्हते चैन तिच्या मना
धरीला आकार देहाचा
पिसाटून आली या वना
बदला घेण्यासाठी तिने
जागविली अंतरीची चेतना
परतफेड केली त्यांची
ज्यांनी दिल्या होत्या यातना