निवडणूक...

निवडणूक...

मतदारांना खाऊ-पिऊ घालून

हातात गूपचूप दिली जाते नोट

जो उमेदवार त्यांना नोट देतो

त्यालाच मिळतात मग वोट... {१}

कमळ, पंजा, हत्ती, सायकल

झाडू, इंजिन, कंदील, धनुष्य

निवडून आल्यानंतर पुढारी मात्र

खराब करतात जनतेचे आयुष्य... {२}

विकास करण्यासाठी द्यावी मतं

चांगल्यासाठी लढावी निवडणूक

आधी गोड-गोड बोलणाऱ्यांची

जिंकल्यानंतर बदलते वागणूक... {३}

खादीचा पांढरा कुर्ता, पायजमा

ढेरपोट्या पुढाऱ्यांचा न्याराच ढंग

सफेद खादी वापरूनही नेतेमंडळी

सरड्यासारखे रोज बदलतात रंग... {४}

महान लोकशाही राष्ट्र असूनही

आजही मागासलेला आहे भारत

प्रतिक्षा आहे बलाढ्य नेतृत्वाची

जो सुधारेल या भारताची पत... {५}