माणसाची
माणसाची
1 min
14.4K
माणसे भेटती रोजला
नित्य नव्या रुपात इथे
नाना कळा त्यांच्यात ,
आहेत तऱ्हा तितक्याच इथे ..।। १ ।।
कुणी भोळा-कुणी गाभोळा,
हर गोष्टीवरती डोळा
ढेपी गुळाच्या पाहुनी ,
लगेच होती हे सारे गोळा ।। २ ।।
सफाईदार बोलणे ,
रुबाबदार यांचे दिसणे
क्षणात भुलती भोळे जन
पाहुनी रूप देखणे ।। ३ ।।
साध्या मनाच्या माणसाची
इथे हो असते परीक्षा
सराईत सही सलामत ,
साध्याच्या नशिबी शिक्षा ।।४ ।।
स्वार्थात गोडी असे मोठी
माणसा आंधळा करते
चांगले तर कधी घडत नाही ,
वाईट ते सारे घडते ।। ५ ।।