आठवणीतला पाऊस
आठवणीतला पाऊस
गडगडणारे काळे ढग
घोंगावणारा उधाण वारा
आक्राळ तांडाव वीजांचे
पाठोपाठ टपटपती गारा।
आसमंती उठे धूळलोट
थेंब टपोरे भूईवर झेपावती
आठवणीतील पाऊस असा
रौद्ररुप निसर्ग कोपला भोवती।
निवाऱ्यास नसे काही
कुठे घ्यावा आसरा
पाखरांचा जीव सैरभैर
कसा आवरावा पसारा।
नदीनाले झाले तुंडूब
ठाव किनाऱ्यास लागत नाही
स्वप्नवत बरसणं पावसाचं
हल्ली असं घडत नाही।
डोळ्यात साठवलेले रूप हे
आठवणीतच घालते पिंगा
पावसाळी गारवा सृष्टीत
अनुभवा येतो का आज सांगा??