सहिष्णुता
सहिष्णुता
(१)
दुष्ट वर्तनाने नष्ट कमी होती || संकटे जिंकीले || क्लेशासह ||१||
दुःख क्लेश होता देवा दोष देती || निर्मीका निर्दीती || सर्वोपरी ||२||
जन्ममृत्युसह सुखदुःख देता || कर्ताकरविता || त्याची लिला ||३||
केली दुष्ट कर्मे सांगण्यास भीती || देवाची फजीती || करी मूळ ||४||
सहिष्णुता नाही अशा सोंगाड्यास || खर्या नास्तीकास || जोती म्हणे ||५||
(२)
थोडे दीन तरी मद्य वर्ज करा || तोच पैसा भरा || ग्रंथासाठी ||१||
ग्रंथ वाचिताना मनी शोध करा || देऊ नका थारा || वैरभरा ||२||
खोट्या धर्मा नाही सत्याचा आधार || व्यर्थ वडीवार || स्वार्थासाठी ||३||
सत्य सोडूनीया धर्मवादी होती || संग्रामी करीती || रक्तपात ||४||
सहीष्णुतेवीण नाही समाधान | एकीस बंधन || जोती म्हणे ||५||