व्हावे भारत सुराज्य...

जाऊ नये कामावर

असे व्हावे कधीतरी

नको वारी लोकलची

पैसे यावे थेट घरी... {१}

आई - बाबांना सांभाळू

आपणच जन्मभर

असे व्हावे कधीतरी

दुःख व्हावे कणभर... {२}

सारी गरीबी मिटावी

सुख यावे घरी दारी

प्रत्येकाला मिळो पैसा

असे व्हावे कधीतरी... {३}

दहशतवाद सरो

संपो सारा भ्रष्टाचार

असे व्हावे कधीतरी

यावा आता शिष्टाचार... {४}

व्हावे भारत सुराज्य

निघो सोन्याचाच धूर

असे व्हावे कधीतरी

आनंदाचा वाहो पूर... {५}