दु:खाची दिवाळी
दु:खाची दिवाळी
( अभंग रचना )
माय बापा विना / नाही रे दिवाळी
घालू मी ओवाळी / येथे कुणा ||
माय माझी करी / मेथीचे रे लाडू
नाही कधी कडू / लागे मज ||
भाऊबीज दिशी / माय लावी कुंकू
बाळा नको टाकू / मज काही ||
दिवाळीचा सण / नाही झाला गोड
मायीची रे ओढ / लागे येथे ||
कशी ही दिवाळी / बहिण सासरी
नाही रे माहेरी / माय माझी ||
कधी येणार तू / आमच्या भेटीला
अश्रु ही आटला / डोळ्यातला ||
तुझ्या विना आम्हा / छळतो गं राज्या
कशी करु मज्या / सांगा आता ||
कविता लिहिता / आले डोळ्या पाणी
नाही येथे कोणी / माय माझी ||
आठवण येता / ओले झाले डोळे
आसवं ही गळे / नेत्रातून ||
विजू तुझा टिपे / मनातल्या ओळी
दु:खाची दिवाळी / कशी सांगू ||