सारे काही सत्तेसाठी
सारे काही सत्तेसाठी
सारे काही सत्तेसाठी
लग्न असो वा अंत्यविधी
तिथे आम्ही हजर असतो
चाले सारे काही सत्तेसाठी
मतदार नावे गजर असतो
कोणी निंदो अथवा वंदो
फरक आम्हा पडत नाही
आम्ही निघून गेलो तरीही
कुणीच कधी रडत नाही
याचे घर नि त्याचे दार
फिरत असतो दारोदार
मतासाठी गाढवाच्या
पाया पडायलाही तयार
असो कुठे रानात वनात
सदा असे ध्यानात मनात
घरात झोपेतही आम्हाला
सत्तेची खुर्ची दिसे स्वप्नात
सत्ता हाती आल्यावरती
करतो आम्ही जनसेवा
जनतेच्या हातावर तुरी
हदडून कसा खातो मेवा
जनसेवा करता घरासाठी
वेळच नसतो आम्हाला
सदा न कदा जीव आमचा
सत्तेसाठीच हो हपापलेला
चुकांसाठी सदा जबाबदार
आमचा विरोधकच असतो
घरात मूल जन्मले तरीही
हात विरोधकांचा दिसतो
*****